陸漢洋當苟芸慧仙丹抗抑鬱
歌手關心妍與老公楊長智、藝人苟芸慧及男友陸漢洋等人出席慈善晚宴，陸漢洋坦言賽車給他很大壓力，但幸得女友作為「天山雪蓮」，趁機放閃：「自己又新建立車隊，比賽前都有好大壓力。（有女朋友係咪好好多？）好好多，之前就有抑鬱，依家就有益而無鬱，係益處個益。（你兩個一齊咗開心好多？）佢直情係我嘅仙丹、天山雪蓮。」而曾患抑鬱的苟芸慧則表示男友教識她宣洩情緒，更笑言不敢找男友做「出氣袋」。
而有份策劃晚宴的關心妍，被問到策劃心情竟感動落淚，更一度要冷靜情緒才可繼續受訪，關心妍說：「未試過做一件事係辛苦得嚟咁有價值，不過呢件事唔係我一個人去做嘅，呢兩、三個月做到係神迹。」她坦言今次老公有份出力：「老公由咕哩做到工作人員，乜都係佢，其實自己都堅持湊心心（女兒楊榮心）返學，所以成家人都有份去做呢件事。（唔帶囡囡嚟？）其實我好想帶佢嚟，但係咁樣唔公平，帶佢嚟又湊唔到佢。」