約歌迷紅館見吳浩康繼續做喊包
歌手吳浩康（Deep）前晚在九展尾場演唱會上繼續做「喊包」，他多謝家姐為個唱準備燈牌送給歌迷，可惜數量不足，他笑說：「家姐冇預我加場囉，點解咁睇小細佬o架。」Deep唱至十一時半完場，場館已亮大燈但歌迷仍不肯離開，他在台上約歌迷：「大家紅館見。」
Deep受訪時笑言喊足兩場，家姐指他要敷Mask消眼腫。談到個唱主辦方並非他所屬的英皇，他即為公司講好說話：「有啲贊助喺入面，公司覺得係時候就做，冇咁現實嘅。（大前晚）老闆楊生（楊受成）嚟捧場，我直情震晒。」又感激經理人霍汶希為他處理「走飛數」，他學會不再凡事攬上身，尤其不會幫人訂飛，幸好事件最後圓滿解決。