買重保險彭健新彈千五萬鑽石結他
《2017中國小姐大賽》將於本月15日舉行決賽，屆時將有40位來自內地各省各地的佳麗參與，組委會主席伍小平昨日聯同籌委榮譽主席林建名、彭健新、本地佳麗王曉敏及排舞師Sunny Wong出席茶敍。伍小平透露彭健新將以價值200萬美元（約1,560萬港元）、被列入世界紀錄大全的鑽石結他演出，更特地為結他投保逾千萬：「結他主人唯一條件係要彭健新彈，個結他仲係政府認可嘅20個世界之最！」
剛從加拿大返港的彭健新表示，已先後彈過該貴價結他兩次，故今次已是第三次：「上兩次彈嘅時間好短，今次冇時間限制，會盡量拖時間，個結他嘅鑽石黐得好實，點『櫈』都唔甩，希望到時跌一、兩粒落地啦！」而對審美眼光要求高的林建名，談到本周三眾佳麗將以三點式上陣即雙眼發光：「係咩？都期待。（揀靚女有咩準則？）靚、身材同智慧。（長腿？）長腿比例好啲。（長腿同Cup數邊樣優先？）台上面梗係長腿好，做女朋友應該係上圍緊要啲！」
