張曦雯澳洲覓食被邀陪瞓？
無綫性感女神張曦雯身先士卒，奉行公司「限奶令」，日前到澳洲為旅遊節目《3日2夜》拍攝「潔淨版」，雖然水着鏡頭欠奉，但有可愛樹熊及日落美景，而曦雯更是一身鬆晒，可以全程大吃大喝！
無綫自發出「限奶令」後，節目的性感尺度亦隨即收緊，原本在J2台播出的旅遊節目《3日2夜》，下月將過檔翡翠台播出，為配合公司新政策，製作上亦有所調校，不少露肩背的浸溫泉及泳衣鏡頭都被刪減。
性感女神張曦雯，日前率先到澳洲昆士蘭拍攝「潔淨版」《3日2夜》，火辣三點式鏡頭不復見，換來欣賞日落及親親大自然。這輯《3日2夜》將於明年1月20日在翡翠台播出，監製張志明稱觀眾層面較大眾化，所以更要配合公司的新政策。
唔使着泳衣
至於完成行程返港的曦雯表示，拍攝「潔淨版」毫無壓力，因為不用穿泳衣，可以大吃大喝！今次主題為親近大自然，全程沒有需要着泳衣的環節，她說：「我哋不停食海鮮，可以話係增肥之旅！（因為『限奶令』唔使着泳衣？）今次全個行程都係當地旅遊局編排，比之前少咗泳衣鏡頭，咁仲好，我可以完全冇壓力，因為日日食海鮮，我都肥咗返嚟！」不過，她強調「潔淨版」亦相當有睇頭：「我哋坐遊艇欣賞日落，好正，又去農場睇新鮮食材、摘杧果同抱樹熊。（有冇畀樹熊胸襲？）咁又冇，可能佢係BB女，仲未識得鹹濕，但佢要同我瞓囉！哈哈！」
文：影視組