急性腸胃炎痛到喊！蔡思貝Pat Pat捱針

藝人蔡思貝、陳展鵬、黃智雯等昨晚在澳門新濠影滙出席《TVB Anywhere星級娛樂耀澳門》，思貝以低胸Tube dress示人，但樣子看起來病病哋，她透露朝早已絞肚痛，之後更嘔吐和胃痛，而且痛到喊起來，化妝師及髮型師見狀即時送她入急症室，醫生診斷後指她患上急性腸胃炎。思貝坦言可能吃錯東西，未知是否與朝早吃的乳酪有關：「打完針都好咗啲，都痛，但未至於頂唔順。不過打針時好搞笑，好耐未試過好似小朋友咁打Pat Pat，不過係姑娘幫我打。」

陳展鵬常被催婚

視帝展鵬表示之前因工作未能出席公司的聯歡盆菜晚宴，他坦言知道席間陳榮峻向吳香倫求婚後很開心，指陳榮峻是很好的人。問展鵬有否被催婚？他說：「我都畀人催慣，但自己唔心急，呢啲等天去安排。」說到今年視帝之爭，他說：「又關我事？」被問是否讓賽時笑說：「唔係，好似講到我掹車邊有份咁喎！如果要拉票，都係《同盟》，呢套暫時係其中一套收視最高嘅劇集。」又指馬國明、苗僑偉、王浩信和蕭正楠都是大熱之選。

雷莊𠒇透露聖誕會跟男友在加拿大度過。	黃智雯現場獻唱。	陳貝兒和陳敏之悉心打扮出席活動。

黃智雯定欣「隻揪」

至於智雯在活動上表演唱歌，她表示曾跟單立文和胡蓓蔚學唱歌：「都有叫單立文幫我哋胡說八道會作會歌，咁就可以登台搵銀，睇吓《胡說八道真情假期》有冇第二輯先，再去就想去巴黎，佢哋個個都好鍾意飲酒。」她又大爆飲醉酒瘀事，有次去胡杏兒家玩，胡定欣威逼她飲酒，接着二人打起摔角。問最終贏定輸？她說：「你哋一定以為刁蘭（定欣）會贏，最尾係打和，大家都係搞笑吓啫！（放上網？）唔會，怕破壞形象。」雷莊𠒇則穿Deep V裙配上后冠，說到性感上陣，她坦言男友不會介意，聖誕節會到加拿大跟男友過白色聖誕。

文：影視組