蔡一傑試粉底逗男伴下巴慢慢印
草蜢成員蔡一傑（傑仔）身邊不乏男伴，現年50歲的他早年曾與同性密友張耀揚傳出關係親密。日前，傑仔被發現一拖二，與兩名男伴三人行齊齊往中環Shopping！當日傍晚約六時，悉心打扮、全黑上陣配上金鞋的傑仔，與兩男於該處商場行逛。三人邊行邊傾，及後還拉隊步入附近的化妝品店，有兩男相伴的傑仔心情靚爆，於專櫃揀選粉底時表現風騷，兩名男友人則在其身旁耐心等候。
見記者笑笑口
期間，傑仔將粉底塗上自己手背試色後，又再找其中一名男伴做「白老鼠」，見他一臉溫柔，把粉底直接塗上男友人下巴，再輕輕力慢慢印了幾次！傑仔試色後見效果不錯，隨即扑槌購下心頭好。
步出店舖時，傑仔見記者在場，即笑笑口打招呼並說：「專登嚟買粉底，因為粉底差唔多用晒。」說罷他便與兩男伴一同離開，齊齊於商場找地方醫肚。
文、攝：追蹤組