莊思敏生意大計被砸破
莊思敏成為最新一集東網巨星節目「海馬牌床褥特約」《閨蜜睡房》嘉賓，今年在電影、電視發展不錯的她，還發展其自家美容品牌，但她自爆：「大家覺得我好似好好，其實今年幾難過，好多人都唔知，今年我有一個幾大嘅Project，最尾係失敗咗，嗰刻我好氣餒，因為呢個計劃我用咗好多人脈關係，花咗好多時間、心機，最後有個人遵守唔到佢嘅承諾，結果Project泡湯，我喊咗成個月。」
談到閨房秘密，平日穿Tee、短褲瞓覺的她自爆最喜歡在酒店裸睡：「因為屋企有人喺度，我唔可以咁做，但酒店唔同，可能啲床單白雪雪，感覺自己都應該白雪雪咁瞓。」且她要在好黑的環境才能入睡，故每逢出埠都爭取一個人住一間房，方便自己裸睡。莊思敏更自爆每晚有隻小熊公仔陪瞓：「以前我好少攞毛公仔，因為鼻敏感，但依家有時覺得好悶，就有呢隻熊仔畀我枕住個頭煲劇。」想知多啲，即上東網App及東網網頁收睇及重溫！
https://goo.gl/1EStxQ