彭于晏惹人妻偷(目及)軒仔俯首稱神
台灣型男彭于晏昨日現身馬場活動，男女通殺，迷倒現場一眾嘉賓！同場歌手張敬軒自認是「西營盤彭于晏」，大讚對方集所有男人願望於一身；至於太子珠寶鐘錶主席鄧鉅明的太太集郵不成，也要遠遠偷望。
彭于晏（Eddie）昨日以LONGINES優雅形象大使身份，到沙田馬場出席「浪琴表香港國際賽事」。Eddie表示今次是第二次到馬場，上次首嘗拉頭馬滋味，問到會否落注？他說：「會跟朋友買少少玩，我好鍾意馬匹衝線嘅一瞬間，有人開心、有人憂愁，我會同大家一齊大叫Go Go。（想成為馬主？）冇！因為我唔識，留畀專業人士。」他表示剛由澳洲參加完好友余文樂的婚禮來港，由於兩男非常熟稔，被網民笑指他「失戀」，彭于晏笑說：「好開心！見到好兄弟由好辛苦到依家咁成功。」問到對方是否將為人父？他停了一秒才說：「我唔知，你哋問番佢。（做BB契爺？）我唔知，應該好多人搶住做。」
鄧鉅明自比男神被嘲面皮厚
同場的張敬軒擔任表演嘉賓，他表示間中會託朋友買馬，並自認腳頭好。問到有否想過做馬主？軒仔說：「我希望有咁(口既)一日！」提到與台灣型男彭于晏同場，軒仔竟自認是「西營盤彭于晏」：「我會叫佢唔好扮我，我啲女仔朋友知道今日我哋同場，問可唔可以扮係我助手入場同佢合照。（覺得佢係男神？）佢當然係！佢集所有男人願望於一身。」軒仔早前惡搞謝霆鋒唧朱古力的片段，還將兩個生麵放在肩上扮對方衫上的流蘇，軒仔笑說：「我出到街個個叫我『生麵王』，霆鋒睇過段片好滿意，佢好玩得。」
另外，鄧鉅明與太太鄧宣宏雁恩愛現身，鄧太坦言想跟彭于晏集郵：「好想！但佢有保鏢喺身邊，集唔到郵，喺側邊偷望吓。」鄧生稱不會因鄧太(目及)仔而呷醋，對自己信心十足，又自爆年輕時跟彭于晏差不多，鄧太即潑冷水：「佢就想！邊有可能，佢面皮非常之厚。」
文：名人組