基仔游說周慧敏再着宮廷裝
歌手周慧敏（Vivian）昨日與老公倪震為新開的桌球室及首間一站式婚宴場地舉行開幕儀式，請來好友古巨基夫婦做嘉賓。Vivian和基仔在名為Loop的橢圓形桌球枱主持開球禮，兩人又進行牙骹戰一展球技，最後基仔成功入了紅波，基仔笑言：「啱啱瞄到太太一眼，所以出呢Cue溫柔咗！」
之後轉到婚宴場地，問到Vivian與老公可會開結婚周年派對？他們說：「明年1月5日係9周年，2019年就10周年，時間過得好快，到10周年可以諗諗。」問到演唱會可會再穿經典爆乳宮廷裝？Vivian說：「冇諗呀，保暖最緊要，太少布唱唔到歌。」基仔稱當年Vivian的宮廷裝好震撼，身為她個唱總監的基仔說：「開會時都同Vivian提過，有游說佢，佢都冇抗拒。」
