蝦頭……邊個係？同新人徐加晴樣撞
樂壇新人徐加晴（Rona）被封為「2017版蝦頭」，皆因她樣貌跟藝人楊詩敏（蝦頭）有八成似，日前「真、假蝦頭」首次在《歡樂滿東華》活動世紀合照，雖然蝦頭着古裝，而Rona則是穿時裝，但兩人背對背企時，高度、樣貌、笑容及神態都似足「兩姊妹」。
今年25歲的Rona昨日接受電話訪問時，稱已無數次被人認錯是蝦頭：「連我公司同事都搞錯，同我講：『好耐冇見啦！蝦頭』！」而另一次更「經典」，連「facebook大神」都搞錯，事緣她的朋友將和蝦頭的合照放上網，但卻出現在她的社交網上，追問下才知：「個網有自動tag番相中人嘅功能，但相中嗰個蝦頭唔係我囉！」
互讚唱歌好聽
Rona講到日前終有機會和「真．蝦頭」見面，問可覺得樣似？她說：「初頭覺得唔似，其實似蝦頭都好好，因為我好鍾意佢，佢做戲好叻，扮乜似乜，蝦頭唱歌好好聽(口架)！」而蝦頭表示和Rona見面後成為朋友，但不覺得似樣：「佢靚我咁多，但佢唱歌真係好聽嘅。」而蝦頭男友邵子風受訪時稱不會認錯女友，又讚Rona新歌《大概大概》，故早前邊播歌邊練拳。
文：音樂組