超蓮「BB」出世慳咗7位數
賭王三太陳婉珍昨日偕女兒何超蓮及兒子何猷啟出席酒店開幕酒會，超蓮以董事身份參與家中一個珀斯酒店重建項目，獲家人到場支持。超蓮透露重建酒店花了3年半，投資過億，像見到自己BB出世一樣，她還透露原本超支7位數，但最後有驚無險慳番，更希望加入賣叉燒包的店舖。
受訪時，三太表示給予超蓮80分，希望她有進步空間，超蓮對分數表示開心：「佢要求好高，鍾意人謙厚，唔鬧已經係讚。」問到媽咪是否辣媽？她笑言媽咪身材火辣；三太則坦言以前是辣媽，大爆最曳是超蓮：「每次佢都帶頭曳，大個人人都乖。（超蓮多緋聞？）男女朋友好普通。（佢有冇眼光？）佢將來識諗。」並直言未來女婿條件要孝順及鍾意超蓮。同場還有洪天明及周家蔚一家四口、歌手JW及李蘊等。
