莊思敏長期恨嫁 唔吼小鮮肉
心直口快的莊思敏自爆最愛在酒店裸睡，目前單身的她有顆恨嫁的心，她的擇偶條件一定要有志氣、上進心，兩人溝通比一切重要，在感情上表現積極的她承認曾玩過交友網見識！
有「烈女」外表的莊思敏應邀亮相東網巨星節目「海馬牌床褥特約」《閨蜜睡房》，與主持李惠儀大談她的愛情世界，承認恨拍拖結婚的她笑說：「長期都想嘅！」又坦言目前有追求者：「正常嘅，啱啱識咗一陣。」
拍拖過世
莊思敏表示擇偶條件好簡單，最緊要大家溝通到：「一世人流流長，拍拖都希望一世。」坦言外表順眼就可以，不需要高大靚仔，因為人隨住年紀大外表都會有變：「一定要有上進心，佢經濟負擔到自己，唔使吓吓同我比較，兩個人一齊可以共同分享同擁有，呢刻冇經濟能力唔緊要，但要有志氣。」
從未主動追求男仔的莊思敏自爆，曾經玩過類似交友網：「因為下載個程式會連繫到我啲社交網，所以冇得呃，我見到人時，人哋都見到我，好多人問真係莊思敏？我咪即刻話純粹八卦研究吓。」對於時下的「小鮮肉」，她坦言興趣不大，因為怕年紀太細，目標不一致：「如果佢想攞拍拖經驗，我教你唔到。（年老呢？）都可以，不過有啲好老，長不大都係唔得。」
莊思敏在節目還自爆愛裸睡的習慣，又發覺最近因受脊椎、頸椎影響，左右兩邊臉不對稱，情況嚴重，想得知她更多不為人知的秘密？記得今個星期五、六、日留意東網巨星的《閨蜜睡房》！
文：音樂組