志偉：佢係負責任嘅男人 樂仔做老竇？

【蘇震揚澳門直擊】曾志偉、黎瑞恩、苗僑偉與戚美珍等昨日到澳門出席慈善賽，對於余文樂「封盤」娶王棠云，志偉認為時間合適：「啱啱成家，再專心喺事業上就最啱，識得定落嚟。」有傳二人雙喜臨門，志偉笑說：「證明佢係負責任嘅男人！」問到兒子會否閃婚？志偉即暗示恨飲新抱茶：「最好啦！男人有個時間會突然定性，戒晒啲壞習慣，事業有成就係嗰幾年。」而苗僑偉亦恭喜樂仔成家立室，笑指他終於大個仔。