森美開心奪陳豪「貞節」
藝人森美與林珊珊女兒西瓜（李澄）昨日出席聖誕活動，網民推劇集《誇世代》中陳豪與森美的一段搞笑HeHe情競逐「最佳螢幕情侶」獎項，森美笑言：「陳豪梗係驚啦，我就梗係開心，佢咁多年嘅貞節就衰喺我手上，哈哈！」
早前森美因主持無綫節目《森美旅行團》，帶挈他今年聖誕節多了很多工作邀請，他說同時間有多間旅行社邀請他帶團及做代言工作：「節目出街之後，大家先知道我原來咁鍾意去旅行，其實我細個嘅夢想就係做導遊。」本來他打算聖誕與家人外遊亦要取消。
前晚西瓜與妹妹野人（李怡）出席活動，早前野人與崔建邦分手，問到她的心情如何？野人說：「點解要唔開心呀？」並承認是愉快分手，有指男方搭上藝人李靖筠，她則不便評論。