Bobby床戰陳秀雯 慘變臘腸卷
劇集《壹號皇庭》演員合體舉行「世紀飯局」，當中少有露面的陳秀雯都有出席，相隔多年仍牙尖嘴利，與歐陽震華互窒，陳秀雯更笑言對方奪了她的螢幕初吻！而陶大宇笑言要找原班人馬再合作，卡士費實在太貴！
無綫經典劇集《壹號皇庭》系列近日重播，劇中藝人歐陽震華（Bobby）、陶大宇、蘇永康、劉美娟、鄧萃雯、陳慧珊（Flora）、陳秀雯、姚瑩瑩、駱應鈞及林保怡等前晚相約飯局，25年後再聚，少有露面的陳秀雯急才未減，更與向來抵死的Bobby互窒。而監製鄧特希、宣萱就有事缺席。
蘇永康攞騷錢請客
飯局由蘇永康請客，Bobby笑言：「蘇永康認真唔話得，為咗請食飯，特登接個騷，將啲騷錢嚟埋單！我哋全晚笑唔停，陳秀雯話唔可以成日同我哋食飯，由頭笑到落尾，皺紋都即刻多咗！佢嘅詞鋒依然咁銳利，當我『調戲』佢時，佢一句就搞掂咗我！」對於很多觀眾想《壹號皇庭》系列繼續拍下去，Bobby指比較難：「所以我哋決定間唔中聚吓，將《壹號皇庭》精神延續落去。」
多年未有拍劇的陳秀雯對Bobby指她多年未見，詞鋒仍然凌厲，秀雯受訪時說：「係鬼！佢哋成日整蠱我（口架），嗰時合作，Bobby、大宇覺得我好嚴肅，當我係長輩，但成日玩我，今次再見番面，感覺就好親切！」不少網友都想她再拍劇，她說：「我都有戲癮，雯女都同我講想再合作，若果遇到好劇本就再拍啦。」聚會上Bobby重提當年與她拍床上戲，為免碰到Bobby的身體，要他除衫後用被捲實身體十足「臘腸卷」般才准上床拍攝，她笑說：「我好少拍呢啲戲份，Bobby係奪咗我螢幕初吻同埋係第一次拍床上戲嘅對手！」
陶大宇：咁嘅卡士請唔起
陶大宇受訪時大讚蘇永康細心，知道他與秀雯都食齋，特登安排齋菜：「成晚我同秀雯喺度爭齋食！我哋一坐埋就講番套劇，最深刻當然係飛紙仔！」而Flora見到大宇即說：「我第一個劇就係同你合作！」Bobby笑着反問她有否被大宇欺負，Flora說：「大宇幫我好多就真！嗰時我廣東話唔好，演出時又要我食煙，我兩樣都唔識。」鄧萃雯指此劇角色眾多，可以分拆五個組合去拍，大宇亦認同：「如果搵齊晒咁多個拍，應該冇乜老闆請得起，因為卡士費太貴！」
文：影視組