細女碩士畢業 薛家燕喜上加喜
薛家燕細女石耀珠近日碩士畢業，家姐石祐珊前晚於社交網晒出全家福宣布喜訊，留言說：「Proud of this little one today （為這個小寶貝感到驕傲）」相中家燕媽媽一家四口笑容滿面在香港大學留倩影，穿上畢業袍和戴上四方帽的石耀珠手拿畢業證書，石祐珊則拿着一束太陽花，家燕媽媽貫徹「登基」作風，以「黃袍」上陣，挽住囡囡手笑得燦爛，加上兒子快將結婚，可算喜上加喜！
唔捨得退休
日前家燕媽媽出席活動時，提過細女早前單拖去泰北教小朋友英文，女兒如此有愛心，大表安慰！她接受電話訪問時開心地說：「個女讀社工嘅，一路都有返緊工，佢碩士畢業我真係好開心，佢好用心去讀呢科，我真係老懷安慰！（送乜禮物獎勵佢？）我哋會一家人買畀佢，不過要啱佢用，所以問過佢先買，因為佢係唔浪費嘅人。」子女先後出身，家燕媽媽直認他們有勸她提早退休，但她實在不捨得：「嚟緊12月就推出聖誕曲奇，又做一個新行業，係新接觸，如果退休我怕好悶。」