孫慧雪 「追債」成功：冇人敢拖我數！

藝人孫慧雪、陳自瑤及區文詩昨日到銅鑼灣出席護膚品活動，提到阿雪大肚時拍廣告被拖數，她說：「已經收番五位數，原來喺我貼文前兩個星期已經過咗數，因為一直聯絡唔到先講出嚟。最好笑係貼文第二日收到幾間公司找數，總共六位數字，依家冇人夠膽拖我數，朋友叫我開追數公司。」
孫慧雪表示產後餵人奶未收身，重了廿多磅。
孫慧雪表示產後餵人奶未收身，重了廿多磅。

同場的陳自瑤穿性感Tube Dress裙亮相，提到無綫「限奶令」，她笑說：「今日打扮係走健康有型路線。」對於老公王浩信被視為大熱視帝，她反而戥剛奪馬來西亞視帝的苗僑偉（三哥）開心：「三哥嘅真係要讓路，佢同宣萱都係實至名歸。」

陳自瑤睇場合性感，不會為露而露。
  • 陳自瑤睇場合性感，不會為露而露。