邵音音自爆患癌：珍惜每一天

67歲的邵音音近年健康狀況時好時壞，繼去年因心臟大動脈撕裂而入院後，最近更爆出正與癌魔搏鬥，令圈中人大感愕然！事緣阮兆祥昨晨為電台節目開咪時，指自己前晚在一個由吳麗珠搞的癌症慈善晚宴中，聽到邵音音表演一曲後自爆患癌，更指對方語氣似乎不想就醫。

下周宣傳新戲

本報就此事向邵音音求證，她以短訊回覆：「遺傳的，皮膚癌！無奈，珍惜每一天。就是這樣！」問到何以有考慮放棄治療的想法時，她坦言自己是以樂觀心情面對：「醫學昌明是我們的福氣，命是注定的，唔使擔心喎！好多年前已經有人寫過，有咩咁巴閉呢？」又指當晚是希望以自身經歷，鼓勵別人愛惜生命。而邵音音下星期亦會繼續出席首映禮和電視台活動。

放大圖片	陳靜指邵音音因不想令人擔心，故未有公告病情。	阮兆祥在電台節目爆邵音音患皮膚癌。

陳靜送上祝福

曾與邵音音合作而一拍即合的陳靜（DaDa），直言全不知情，又指與對方最近一次見面是在頒獎禮上，她向對方了解後回覆：「佢話個病跟咗佢幾十年，只係一直都冇話畀人知，唔想大家擔心。佢仲叫我祝福佢『長命百歲、身體健康』，我衷心祝福佢身體健康！」至於晚宴搞手吳麗珠則謂：「佢尋晚上台係有講到自己患癌，本身我係搵佢幫手演出，我會搵音音姐問候吓先。」

文：影視組