黎芷珊進軍意大利開舖

藝人黎芷珊昨日到尖東出席頒獎禮，替其太陽眼鏡品牌領獎，同場還有擔任大使的陳倩揚。芷珊指身為藝人從商有優勢，最開心是做「生招牌」：「好多人都唔識讀品牌個葡文名，會話係『芷珊姐姐個牌子』，聽到都好開心。（品牌下一步有咩計劃？）嚟緊會去意大利開店，之前都已經進軍法國，衝出咗亞洲！」而倩揚亦開心能到場取經，透露為興趣而經營護膚品小生意，問到可會叫老公打本？她只笑言最困難是安排時間，現時仍以演藝工作及家人為重。