甄子丹投58.8萬錶氹老婆

「宇宙最強」甄子丹出名是愛妻號，日前他在佛山獲頒終身成就獎，得到終身的勉勵，子丹雖然向來慳儉，卻大破慳囊以高價投得一隻陀飛輪，送給從旁協助他打拚的老婆汪詩詩，大晒恩愛！

甄子丹與太太汪詩詩、名人蔡加讚太太汪圓圓、太子珠寶鐘錶集團主席及行政總裁鄧鉅明與太太鄧宣宏雁及「港產陀飛輪」萬希泉創辦人沈慧林、琦琦等人，昨日出席萬希泉慈善公益行動暨慈善午宴，甄子丹以58.8萬元投得一隻陀飛輪送給太太。

子丹說：「大家都知我好慳儉，好少買奢侈品，都有十年冇買過錶。」現時他正度期，抽時間與家人共度聖誕節，認為相處時光好寶貴。談及日前在佛山電影節獲得終身成就獎及動作演員最佳男主角，他說：「我嘅賀詞話，終身成就獎係畀德高望重嘅人，但我唔敢當，算係有少少貢獻啦，咁我當係終身鼓勵同勉勵獎。」

而汪圓圓透露聖誕節會與家人到熱帶地方旅遊，因近日非常忙碌，連今日是結婚4周年都忘記：「時間過得好快，有人約咗我聽日，我好快應承咗，所以改咗今晚食飯，生咗BB記性差咗。（老公有冇投訴？）佢都OK，我哋冇點投訴對方，有次佢洗手唔見咗結婚戒指，我都冇嬲，結果半年後搵番。」

文：名人組