Shine玩突破挑「肌」跳HeHe舞
組合Shine明年再登紅館開騷，自嘲跳舞非強項，決定迎接「舞」功大考驗，笑言一把年紀仍要不停苦練，希望成功做到一字馬，甚至不介意「HeHe」辣身舞！兩人還秘密操肌，希望帶來突破性的演出。
為慶祝成軍15年，組合Shine昨日為明年3月2及3日假紅館舉行的《SHINE MOMENTS Live 2018》舉行記者會。距離上次開騷已經5年，成員黃又南與徐天佑坦言非常期待，由於今次開四面台，體力、跳舞是一大考驗，故早於開騷半年前開始準備。
由於想演唱會有派對感覺，故有三分一時間會跳舞，Shine自言跳舞是弱項，又南笑言最初想過放棄：「我哋真係由零起步，好似跳十字舞咁開始！30幾歲先去拉筋，但依家有進步冇咁似機械人，希望做唔到一字馬都做大字馬。（辣身舞？）監製係想！仲喺度諗緊係兩男一女？定兩男兩女。」記者提議近年興「HeHe」，兩人爆笑說：「可以諗吓！其實男男表演唔緊要，反而排嗰時先尷尬。」除了跳舞，Shine兩子還努力操肌，又南曾踢爆天佑操得很弗，但昨日見兩人包到上頸，他們笑說：「暫時唔露住，希望畀啲突破大家睇。」強調操肌主要是鍛煉體能。
邀嘉賓 全女班
演唱會中，兩人將進行比併，各自秘密練兵，他們解釋是配合個唱主題「Moments」，回想起當年在台灣出碟時要上很多綜藝節目作才藝表演，才會有此構思。又南記得有次天佑在節目玩完柔道後去食火鍋，怎料突然暈倒入院，當時還笑對方好戲，後來知道堅暈即嚇一跳。提到個唱嘉賓，他們說：「上次係全男班，今次計劃係全女班，有男仔嚟都要佢扮女裝！」
文：音樂組