黃宗澤除剩底橫賀苗僑偉稱帝

Bosco昨日與苗僑偉、劉心悠和徐子珊等出席邵氏兄弟與內地網站合拍的網劇《守護神》開鏡儀式，Bosco身穿名牌潮服，卻意外與醒獅撞色，他自嘲負責醒獅表演，令全場大笑。與苗僑偉合作多次的他，笑指對方在劇中多女伴，Bosco更自爆除剩內褲來賀對方奪馬來西亞視帝：「嗰日諗住沖涼，淨係除剩條底底，見到宣布男主角嘅時候，就睇埋先，咁就着住條底底見證佢攞獎，好替佢開心！」更支持對方再下一城，在台慶頒獎禮攞視帝。

副導演受傷

苗僑偉則表示與太太戚美珍買煲仔飯食當慶祝奪獎，被問到會否擔心被指拍劇換獎？他愕然地說：「吓？喺呢個圈咁耐，都唔會做呢啲嘢啦。（你係大熱？）冇所謂啦，我都一把年紀，我都等咗四十年啦，有就開心，冇就再鼓勵自己啦！」

鍾澍佳（左二起）、樂易玲、苗僑偉和黃宗澤主持醒獅點睛儀式。	苗僑偉氹得徐子珊（中）和劉心悠笑到彎腰。	龔慈恩（左起）、康華、溫碧霞和吳岱融在網劇中合作。

劉心悠剪了一頭短髮現身，並透露早前在布拉格拍攝時遇上颱風，有位副導演因而受傷，幸現已康復，她表示當時情況恐怖，瘋狂下雨：「一定要留喺車度，一落車就會畀風吹走！」

徐子珊被打

徐子珊透露在劇中負責被打，所以撞瘀擦傷在所難免，又指自己與苗僑偉對手戲最多，她謂慶幸能夠一邊返學一邊拍劇，現正修讀心理學碩士的她，以part time形式上課，尚有一年課程未完成。

文：影視組