郭穎兒捱粥水800萬買豪宅

今年三月誕下囡囡Galia後專心湊女的模特兒郭穎兒（Celia K.），原來有密切留意樓市動向，前日她在社交網宣布好消息，成功被抽中、以約800萬元買入匯璽II的一房單位，更打趣留言：「嚟緊有排食粥水！」
郭穎兒網上報喜稱被抽中買樓。
郭穎兒網上報喜稱被抽中買樓。

第三次買樓的Celia K.接受本報電話訪問，笑言今次再入市是傾家蕩產：「我有買股票，但股票始終大上大落，都係磚頭最穩陣、最保值，投資物業咁耐以嚟冇輸過，以前賣過兩個物業都賺七位數！呢個單位300幾呎，睇中佢係港鐵上蓋嘅盤，買嚟作投資。（老公有冇資助？）佢有問我使唔使資助，但我想靠自己，想自己名下有舊磚頭，今次用盡自己積蓄，呢兩年都想再入市，都抽咗七次，今次抽中當然開心！」Celia K.笑言冇特別慶祝，只是一家三口去主題樂園享受家庭樂，問會否再生B？她說：「我係想生，唔想囡囡一個咁悶，有個手足陪吓佢。老公想再生多個女，囡囡已經成為佢嘅生活重點，完全冷落我！」

郭穎兒與老公帶囡囡去樂園慶祝。
  • 郭穎兒與老公帶囡囡去樂園慶祝。