楊怡瞞住老公再嫁

視帝郭晉安及視后楊怡昨日到機場某酒店拍攝無綫新劇《再創世紀》一場結婚戲，楊怡穿上低胸婚紗明艷照人，微晒事業線，笑言是瞞住老公羅仲謙「出嫁」！而她戴上贊助的鑽飾共15卡，問是否比當年自己結婚更大粒？她說：「唔可以咁講！物輕情義重。」安仔表示今次劇集製作認真，問會否認真地拍埋洞房場口？他笑說：「本身有o架！但係『限奶令』出咗，就冇咗床戲。（鬆一口氣定覺得可惜？）都有啦！」
楊怡笑言今次是瞞住老公羅仲謙嫁郭晉安。
楊怡笑言今次是瞞住老公羅仲謙嫁郭晉安。

陳自瑤陷三角戀

同場的陳自瑤（YoYo）表示角色在安仔公司工作十年，跟他及楊怡展開暗三角關係，問到有否性感勾引場面？她說：「有少少，但唔係好赤裸，冇乜床戲。」問到若丈夫王浩信今晚在《TVB馬來西亞星光薈萃頒獎典禮2017》再奪視帝，會如何獎勵他？YoYo說：「我哋唔係咁物質，精神上支持，讚佢good job！」文：影視組

羅仲謙
  • 羅仲謙
陳自瑤的戲服只稍為露肩，未有大騷身材。
  • 陳自瑤的戲服只稍為露肩，未有大騷身材。