姚書軼做導師珠寶小姐唔願落堂

名模姚書軼（Mikki）日前開班，教授2017香港珠寶小姐的候選佳麗擺甫士的技巧。早有授徒經驗的Mikki，擔任客席導師可謂完全冇難度，見她不時親身上陣示範如何行Catwalk，又細心糾正佳麗行路的姿態。雖然Mikki每一個動作都執得好正，看似嚴格但全程笑容滿面，令佳麗們都十分受落。即使下課後，仍有不少佳麗留守課室，詢問她意見並要求與她合照。

高貴斯文為主

Mikki坦言希望在短時間內，能讓佳麗們領略作為模特兒的基礎及概念，又認為以前的時裝騷比現在更為複雜：「做珠寶小姐比做時裝模特兒更加要求高貴，做Model古靈精怪嘅Look都會接受到，相反珠寶小姐就畀人感覺高貴大方，以靚同斯文為主。」

姚書軼大讚今屆候選佳麗質素高。

姚書軼向佳麗傳授擺甫士的技巧。

讚佳麗質素高

此外，她認為今屆佳麗質素比想像中還要好，發現她們很有潛質：「原本以為情況會好差，未必識得擺甫士，但佢哋悟性高又多問題發問，都掌握到九成知識，要求佢哋多啲練習。（競爭會否很大？）其實係，但比賽有時會跑出黑馬，有好多意想不到結果。」珠寶小姐競選決賽將於12月1日在灣仔會展中心舉行。

文：名人組