莊思敏買樓畀思明佢想我快啲搬!
莊思敏平日投資股票之餘，更有買磚頭保值，除了自己儲錢，更益埋妹妹莊思明，以思明名義買入西營盤一個二百多呎、價值六百萬的單位，思明對此笑言：「佢梗係想我快啲搬走。」
藝人莊思敏向來甚有投資心得，身為拿督女兒的她，有財得來更甚懂得運用，之前她就以成交價逾600萬元購入何文田加多利軒一個高層、實用面積只有263方呎的單位，但平均呎價超過2.3萬元。莊思敏當時直言：「呢個地段好方便我放租，呢個係我喺香港第一個物業。」
細單位租情理想
港島區新盤細單位回報理想，吸引不少名人、明星追捧，莊思敏今次就轉戰港島區，仲益埋細妹莊思明！
昨日有地產界消息指，莊思明以逾600萬購入西營盤瑧蓺一個200多呎的開放式單位。起初以為家姐買完樓，今次到細妹上車，齊齊投資賺大錢，殊不知思明接受記者訪問時笑謂：「層樓係家姐買畀我o架！佢不嬲都想我快啲搬，梗係想叫我快啲搬出去，不過放心，轉過頭我就會幫佢賣出去！哈哈！」
思明坦言單位都是投資，之後會放租出去，問幾時到她自己買樓，她謂：「有排啦！我要儲多啲錢先。（係咪都快？）希望快啲啦！依家啲樓太貴喇！呢啲單位二百幾呎都要600萬。」
文：影視組