黃心穎視帝投硬馬國明

無綫藝員黃智賢、黃智雯、黃心穎和蔣家旻昨日在尖沙咀街頭宣傳劇集《雜警奇兵》。黃心穎玩遊戲時拗手瓜贏黃智雯，她笑說：「我由細到大都好大力，細個係大力B，天生大力。」講到台慶頒獎禮，黃心穎力撐馬國明攞「視帝」：「自己平時好少追劇，但有睇《降魔的》，故事好吸引，希望佢真係得。（最大對手係王浩信？）係呀，兩個唔同風格，王浩信盲俠角色離地啲，馬國明角色就貼地，各有各好。（點樣幫馬國明拉票？）我幫唔到佢，要靠佢自己實力，我會投佢一票，佢掂o架啦，好多人支持佢。」