陳嘉桓有影帝陪慶生
藝人陳嘉桓及陳爽前日出席何國鉦為電影《正義聯盟》（Justice League）設計的時裝系列活動，陳嘉桓表示本月初生日，已訂好機票旅行，但因要與影帝梁朝偉拍戲，意外地有男神陪慶生：「影帝同我講『嘉桓生日快樂』，呢六個字原來咁好聽，我話可唔可以錄低佢，呢位前輩係遙不可及，未Roll機都唔敢望佢對眼。（怕畀佢電親？）係，會好緊張，同佢好近距離。」
另外，提到何國鉦在社交網發聲明澄清與好友戴凱欣設計姊妹裙鬧不快事件，他說：「我冇同戴凱欣反面，我幫佢做姊妹裙，但講到好似喺淘寶買，對我係一種傷害。我唔係做開姊妹裙，數量較多好難滿足唔同人嘅要求，可能有人唔鍾意，但如果話我喺淘寶買衫，係好大嘅指控，要澄清。」
