周秀娜恐怖艷遇 等巴士遇飛吻男

藝人周秀娜早前消瘦到連胸都縮埋，昨日她與連詩雅出席絲襪活動，被連詩雅透視裝搶風頭，問到周秀娜為何封胸兼全黑打扮？她解釋是黑色星期五，笑言自己穿絲襪都好性感：「唔怕冇睇頭，係騷腳，騷上身怕搶對腳風頭。（個胸返番嚟未？）返咗啦，女人好神奇嘅。」她透露放一個月假到洛杉磯探親，更自爆有恐怖艷遇：「我搭巴士想體驗吓，但當地冬天，太陽五點幾就落山，等巴士遇到個人突然同我講Hi Baby，再飛吻，我好驚就上車走，我人生路不熟，如果喺香港就會同佢打番招呼。」