陳嘉桓3粒鐘變婆婆落妝似脫毛

藝人陳嘉桓（Rose）、阮頌揚（Brian）早前於西樵山國藝影城拍攝由冼國林執導的廣告片，Rose花了三小時化了一個老妝，由「靚靚Rose」化身滿臉皺紋的老婆婆！對於首次化老妝，Rose覺得非常有趣：「化妝落妝好似做咗一個緊緻、脫毛嘅Facial咁，因為要黐好多條皺紋，用咗好多膠水，搣走嘅時候好似脫毛咁，有小小痛，搣完啲皮膚好緊緻。」Rose笑言老妝皺紋比婆婆還要多，相信可以遺傳婆婆的靚皮膚，即使老了都會是「靚婆婆」。