阿媽唔易做！除了JJ要面對初為人母的艱辛外，藝人車婉婉前日亦在社交網細訴囝囝「BBQ」被香蕉卡住喉嚨的驚險意外，自爆嚇到一邊道歉一邊爆喊。昨日她受訪時指平時會整爛香蕉給兒子吃，但最近見兒子飲食迅速及出了幾隻牙仔，因此想讓他試試自行拿起一塊香蕉進食：「佢啲牙好利，一咬就咬跌咗好大舊落枱仔，佢又唔嘥嘢，用口啜返上嚟，點知即刻骾住，喊唔到又呼吸唔到，我好驚呀！」
婉婉坦言當時不知所措，不斷拍囝囝背部，幸好最後BBQ叻仔自己搞掂：「佢好犀利，佢係自己搏命吞咗舊香蕉，我要頒個勳章畀佢！」她認為這個經驗很恐怖，希望大家引以為鑑，並透露已經告訴老公。婉婉又表示知道有個合適的嬰兒餵食儀器，強調會馬上購買，再於網上分享。