好友陳宛蔚佗B交換心得
賈曉晨（JJ）搶先一步榮升靚媽咪，其好友兼同樣佗女的陳宛蔚當然戥JJ開心。陳宛蔚受訪時連聲恭喜，問到是否已見過「小飯兜」？她說：「未呀，不過似爸爸定媽媽都冇所謂，兩個都靚仔靚女，最緊要BB身體健康、快高長大。」她又表示早前與老公錢國偉跟JJ食飯，兩位佗B靚媽齊齊交換生仔經。
而錢國偉曾在監製的節目《味分高下》中邀請JJ擔任「味之天使」梳打而走紅，獲JJ視為恩師，錢國偉說：「當然要恭喜佢，要健健康康，開開心心，最緊要休養好身體。」快將榮升爸爸的錢國偉，問到會否希望囡囡似他？他笑言：「囡囡梗係似媽媽好啲。（向JJ取經？）唔使啦！（即係天生天養？）又唔係，自自然然就得啦。」
此外，朱晨麗（朱朱）曾與JJ合作《末代御醫》等多部TVB劇集，她表示一直視對方為大姐姐。講到JJ的喜訊，朱朱說：「等我傳短訊恭喜佢先！佢同老公都咁靚，生出嚟個女一定係靚女，希望佢坐完月可以見吓面！」