岑日珈藏逾百對高踭鞋「誇」！

歌手岑日珈（Angie）家中的衣帽間最亮眼必定是她的鞋櫃，恍如一間小型鞋店，Angie承認是高踭鞋控，尤其鍾情尖頭高踭鞋，她說：「因為女仔着起上嚟，對腳會修長啲、纖幼啲，腳形都靚好多，我啲高踭鞋主要係尖頭款，就算有啲唔着或者着上去痛，但見到靚嘅都會攞嚟收藏，我有啲高踭鞋未拆晒盒，我諗都有過百對。」
岑日珈的鞋櫃擺滿至愛的高踭鞋。
岑日珈的鞋櫃擺滿至愛的高踭鞋。

除了高跟鞋，Angie還愛買Clutch bag：「細細個拎出街好方便，因為有時你着咗高踭鞋打扮咗，但要拎住個好大嘅袋，其實係幾麻煩，細細個Clutch又易襯衫，有啲特別形狀嘅款我都好鍾意，我覺得每個女仔都應該必備。」擁有長腿的Angie也喜歡着短裙仔，她笑說：「短裙仔夠飄逸，又清爽，最主要少女味重啲，隨住年紀漸大，趁依家仲係廿歲頭，咪着多啲。」

岑日珈鍾情細細個的Clutch bag容易襯衫。
  • 岑日珈鍾情細細個的Clutch bag容易襯衫。