車婉婉產後失憶：對住劇本好驚

藝人車婉婉今年三月誕下囝囝BBQ後，一直全力湊仔，最近她與首飾品牌Crossover，以星座為主題設計了一系列的頸鏈。她透露之前設計過十二星座香水，更希望成立屬於自己的品牌，跟其他品牌及產品合作。談到首次設計首飾，她笑言做開有條癮：「今次只係第一擊，之後會加新嘅Idea落去，因為市場上好難搵到關於十二星座嘅產品。」問到會否親自設計情侶首飾跟老公一齊戴？她表示設計給囝囝佩戴更適合，並考慮推出BB系列的首飾。談到湊BB，婉婉表示雖然沒有之前那麼累，但因重投工作感到筋疲力盡，開始了解事業型媽咪的辛勞。

抗拒做虎媽

談到工作，正參演新劇的婉婉表示飾演法官，被大量專業用詞的對白考起，她笑說：「啲人話產後會有失憶症，對住劇本好驚，雖然有做好功課，因為入面有好多比較技術性用詞，少少都唔錯得，都幾大壓力，記性可能真係冇以前咁好！」又表示接下來會繼續拍劇，日後或會減少陪囝囝的時間，她直言現時香港不少媽咪面對同樣問題，故會盡量取得平衡。另外，談及不少家長為未夠半歲的子女報讀Playgroup，婉婉直言抗拒做虎媽：「如果要跟住大家蜂擁咁堆砌會好辛苦，唔單止小朋友辛苦，父母都會好辛苦，自己仲揣摩緊個平衡點。」

新劇演法官的婉婉被專業用詞考起。

婉婉表示年初誕下囝囝後，記性好似差咗。

文：音樂組

化妝：Meegan Seak@Bridal corner

髮型：Sunny@Hair Culture

服飾：Aalis

場地：Chic by The Oyster House