朱晨麗想跟伍允龍學功夫
藝人伍允龍（Philip）與朱晨麗（朱朱）昨日為無綫新劇《兄弟》拍攝一場車廂查案戲，二人密密接觸，才知彼此「舞」和「武」功都了得而惺惺相惜，女方更想向Philip請教功夫傍身。
無綫新劇《兄弟》早前完成英國外景返港後，繼續拍香港外景，昨日伍允龍與朱晨麗拍攝一場車廂戲，由於對白涉及不少角色名字，令Philip大呼記對白有難度，故也趁機向近期產量多的朱朱請教。
談到早前大隊於英國取景兩星期，Philip笑指從中發現朱朱原來是舞蹈高手，他說：「因為影合照時佢踢腳踢到好高，咁我都有跳起。」朱朱被問到可有興趣跟Philip學番一招半式功夫？她說：「想呀！」
對於獲舊愛鍾嘉欣公開大讚唱功似足歌神張學友，Philip說：「多謝佢！我唱K好鍾意唱張學友啲歌，嗰時喺美國主要係唱四大天王嘅歌，我好鍾意模仿佢哋！（劇中要你唱歌難聽，會唔會要求監製畀場唱歌好聽嘅戲份？）唔使啦！要唱歌好難聽都幾難，不過要入戲，之前拍完嗰場戲喉嚨沙晒。」
台慶騷腿半透視
另外，無綫向內部發出「限奶令」，問到朱朱於19日台慶會否密實上陣？她說：「到時我以高貴為主，晚裝長袖嘅，騷腿同半透視咁，配合金禧主題，經理人都過目咗！」提到早前於無綫劇集《特技人》以Bra Top上陣打排球，會否擔心受「限奶令」影響被删？朱朱說：「唔怕，之前宣傳片都播咗，畀人Cap晒圖啦！嗰場戲都係劇情需要，每個人身形又唔同，希望大家以特技人身份去睇。」
文：影視組