Yoon A求好劇本演乜都制！
韓國人氣女星Yoon A今年入行十周年，自覺在演戲及歌唱方面仍未做到十全十美，希望能有好劇本助發揮，若有滿意的劇本，就算要演甚麼角色都在所不計。
韓國女團少女時代成員Yoon A向來深受時裝品牌歡迎，日前應邀來港出席Salvatore Ferragamo旗艦店重開揭幕禮，並接受本報獨家訪問。對於被選為「亞洲女神」，Yoon A笑言對稱號非常受落：「我覺得好好，好鍾意！」入行十年的她既是歌手又是演員兼主持，問到最想挑戰甚麼新角色或工作，她坦言不挑角色只挑劇本：「我唔會諗有咩角色想做，只視乎劇本！如果有好劇本又覺得有趣，任何角色都可以做，依家挑選唔同劇本，希望盡快揀到與觀眾見面。」
Yoon A說得一口流利普通話，曾演出內地劇《武神趙子龍》及公開獻唱國語歌《小幸運》，發音標準得令人驚訝，她解釋中學開始便無間斷睇中國電影、電視劇及聽國語歌，但就笑言被廣東話考起：「廣東話真係好難！我有睇過香港電影聽廣東話，但自細學普通話，所以對普通話有信心啲，不過有機會都想學少少廣東話。」
教着衫：夏天要鮮色
談到衣着心得，Yoon A認為最重要是跟年齡及身形相襯：「冬天嘅話，要保暖得來又要靚，所以要花多啲心思喺大褸同毛衣上面，夏天不妨挑選一啲顏色鮮艷嘅衫，睇落會精神少少。」她還參觀品牌全新裝潢的旗艦店，自言被琳琅滿目的鞋履迷住：「見到咁多顏色好開心，而且鞋踭唔算好高，感覺好舒服。」
文：名人組