卓韻芝冧笑講戀情：遲啲帶男友見家長
卓韻芝昨日到啟德郵輪碼頭出席「世界夢號 傳媒預覽活動」，她甜笑回應新戀情：「拍咗一個月都唔夠，之前已經識，但冇乜聯絡，後來佢有事搵我，主動追求。其實我大佢幾年，但呢個年代婆孫戀都係咁啦！（男友叫咩名？）我仲度緊，叫佢『冇名人』！（帶男友見咗家長？）等穩定啲先，因為婆婆逢人都問：『係咪你男友？』，佢發牙痕啫！」
雙性戀的阿芝又說：「佢（男友）都知我雙性戀，我唔係變番直，只係今次鍾意嘅人係男仔，呢啲人夾人，睇互動係點，唔關性別事。（你同前女友因戀情被公開，壓力大分手？）唔係，係相處過覺唔Work！（有冇同前女友聯絡？）我OK，但唔知佢，可能佢要啲時間，佢好錫我婆婆，中秋有送月餅，我同每位前度都保持友好，唔會交惡。」