陳嘉寶出嫁撞正頒獎禮驚賓客甩底

陳嘉寶與未婚夫手拖手踩入長洲大牌檔。

藝人陳嘉寶（Anjaylia）將於下周六（25日）與拍拖四年的初戀男友黃頌祈結婚，一對準新人早前影婚照，雖然曾獲邀飛到韓國、日本、以色列等地方，但最終二人選擇了在成長地香港取景。拍攝當日除了到影樓，還走訪長洲大牌檔及小學等地方，皆因每個拍攝景點對二人來說均意義重大。

滾水照頭淋

Anjaylia表示十多歲開始做兼職模特兒，放學後經常出入影樓，故擁有很多回憶及感情。至於長洲則是未婚夫的意思，她說：「佢係長洲人，屋企幾代都喺長洲生活，選擇去大牌檔，係因為佢細個時，爺爺成日帶佢去大牌檔食嘢，有好多回憶，其中一個就係畀滾水照頭淋，所以依家佢身上有道疤痕。」更指在長洲拍攝時突然行雷閃電，滂沱大雨，沒料十分鐘後又放晴，雨後景色更漂亮。

陳嘉寶與未婚夫歎地道美食。	賓客唔嚟點算呢？（設計對白）	兩人對望攬攬，Sweet到爆。

對於大喜之日撞正台灣金馬獎及馬來西亞星光薈萃頒獎典禮，不少圈中朋友撞期撞到正，未能到場見證她的重要時刻，Anjaylia不禁大呼正為賓客座位表頭痕。

文：影視組