劉浩龍聲途崎嶇諗過封咪

劉浩龍（師兄）最近推出新歌《不一定》，日前他接受東網巨星節目《娛樂onShow》主持俞詠文（Angela）訪問，提到近年專注拍戲，師兄直認曾考慮不再當歌手。他指去年拍攝電影時，曾想過自己未來的去向，發現拍戲所得的滿足感遠比唱歌多：「我鼓起咗勇氣，撳咗入WhatsApp同我公司嘅同事講，我話其實……不如咁啦，我都係以後都唔唱歌！」師兄坦言當時憶起星途崎嶇，一度感觸而激動落淚。

跳舞娛賓

問到為何如今重拾歌手身份？師兄笑言事隔數月，公司若無其事要他出歌，他雖然不明原因，但自言經過數月來的沉澱，慢慢釋懷，所以尊重公司決定。重回樂壇的他不再執着向別人「訴苦」，他指：「會唔會係因為啲朋友未必想知我嘅內心世界？可能佢哋比較投入我代佢哋嘅角色去唱嗰啲歌。」所以他決定變回新人，以音樂作主導，嘗試以第三者角度唱出樂迷心聲。

自嘲舞技差的劉浩龍，早年開騷時與薛凱琪大跳勁舞。	劉浩龍接受俞詠文訪問，暢所欲言。	師兄近期積極練舞，希望不再被朋友恥笑。

此外，提到師兄明年開演唱會，並挑戰跳舞，他笑言是一大突破，因每次跳舞，必被身邊友人嘲笑，所以他希望藉此娛樂大眾。除了未來發展，與女友容祖兒發展穩定的師兄自爆是傳統男人，有成家立室之念頭。想知師兄究竟打算幾時結婚？又會否生小朋友？立即Click入東網巨星睇《娛樂onShow》啦！

文：專案組

服裝：ISSEY MIYAKE

https://goo.gl/bvimka