陳婉婷奉獻「第一次」背台詞壓力大

藝人陳婉婷（Hebe）近年向演藝方面積極發展，早前更轉攻舞台劇，一嘗當女主角滋味。擔正的Hebe身負重任，要在短時間背熟數十頁台詞，難怪她亦倍感壓力，直言是入行以來最大的挑戰！她說：「個半鐘嘅舞台劇中，得我同男主角李俊良輪流演出，可想而知啲台詞有幾多，加上排練時間唔多，所以我一得閒就盡量背熟台詞，好彩正式演出時冇蝦碌忘詞。」
擔正做女主角的陳婉婷，要在短時間內背熟台詞。
擔正做女主角的陳婉婷，要在短時間內背熟台詞。

演出當晚，Hebe獲圈中好友包括白雲、譚永浩和利穎怡等人到場支持，令她大感鼓舞。Hebe亦為演出搏到盡，既要挑戰吸煙場面，又要上演破格床戲：「好多第一次都奉獻咗畀舞台劇，好似吸煙同自殺場面，甚至同男主角有床戲，不過親熱戲都係點到即止，所以演嘅時候唔會尷尬。」

白雲（右一）、利穎怡（左二）和譚永浩齊齊為陳婉婷打氣。
  • 白雲（右一）、利穎怡（左二）和譚永浩齊齊為陳婉婷打氣。