楊麗怡戀父狂主動追仔被嫌棄
工展小姐亞軍楊麗怡（Merry）雖然樣貌標致、身材出眾，但目前仍是單身，她說：「我好想拍拖，好期待拍拖！我19歲喇，大個女，唔知係咪因為父親早過身，可能令我有啲戀父，我比較鍾意成熟嘅男士，我嘅初戀就係同一個大我18年嘅男士拍拖，依家擇偶只要年齡大唔過我15年嘅都OK！」
不過，Merry都試過被男仔拒絕：「我算係幾主動追求愛嘅女仔，除咗會親手整芝士蛋糕，又會主動約睇戲，可能我太主動，男仔覺得唔矜貴，中學時代試過暗戀過兩個男仔，但佢哋拒絕我之餘，仲講我壞話，令我好傷心！畢業後有兩個男士追我，後尾發現佢哋係花花公子，好失望！咪以為我咁想拍拖，就一定係情情塔塔嘅韓劇粉絲，其實我最鍾意睇嘅係《行屍》（The Walking Dead），鍾意佢夠刺激、血腥同暴力，係咪估我唔到呢？」
攝：司徒國榮