阮兒男仔頭自爆多人追

阮兒（Chloe）在新劇《兄弟》中有不少打鬥場面，她自言身手不算敏捷：「我身手唔OKo架，但為咗拍劇就乜嘢都OK，我會打拳、學詠春，就算打得唔啱，都有個『形』喺度，拍《兄弟》要學西洋拳，打一兩分鐘已經爆晒汗，幾啱我性格，因為我幾硬淨。」

一出聲變傻大姐

拍打戲存在危險性，Chloe就展現大無畏一面：「好想嘗試，我唔怕受傷，預咗受傷，傷身冇咁痛，傷面就痛啲，但要發生都制止唔到。」

Chloe雖然個性男仔頭，但原來她一直不乏追求者，早前就因為跟藝人衛志豪合作劇集《同盟》而傳出緋聞，對此她笑說：「佢係好好嘅同事，好好朋友，之後嘅嘢冇人知，冇嘢冇可能，但依家都係工作為主，可以介紹多啲男仔我識o架！（佢追你？）好多男性朋友都有追我，我算好多人追。」她又笑指自己不開口說話，會給人很寸很型的感覺，甚至被認為黑面，但只要一說話，大家就覺得她是傻大姐，莫非這就是Chloe多人追的原因？

阮兒雖然個性男仔頭，但裙下之臣無數。	阮兒曾跟衛志豪傳緋聞。	衛志豪

文：專案組

攝：吳文聰

場地：MioXpace