麥子樂寸陳家樂死o靚仔冇大冇細

同屬英皇旗下藝人的子樂及家樂早前合拍靈異電影後成為好兄弟，但原來子樂對家樂的第一印象相當負面，子樂當着家樂面前坦言：「當初大家唔熟，我覺得呢個死o靚仔，見到大哥哥都唔打招呼，後來先知佢比較內斂，之後一齊拍戲相處，發現大家都熱愛電影，呢個死o靚仔唔係得個殼！」

驚覺際遇相若

談到兄弟情，家樂大讚子樂體貼：「喺馬來西亞拍戲時，我生智慧齒兼患嚴重腸胃炎好辛苦，佢一直照顧我。」子樂聞言即說：「都唔算咩照顧嘅，我比較小心，出門會帶好多藥，佢好番之後我即刻捉佢跑步，運動有助身體健康嘛。」

子樂獲家樂及湯怡為他慶生。

家樂（右）患病時獲子樂細心照顧。

二人早前首度赴馬來西亞拍靈異戲時，表現落力獲製作人好評，結果他們一口氣接拍了4部電影，難怪二人形容是事業的轉捩點。他們趁拍戲的工餘時間閒談，更發現彼此際遇相若，家樂自揭「身世」說：「有諗過放棄（娛樂圈）o架，同期入行嘅洪卓立同陳偉霆都有好多機會，我就得個等字！拍完《幸運是我》之後好似零反應咁，公司想我接有發揮嘅角色。如果唔係麥曦茵（導演）執我返嚟拍戲，我諗我已經唔喺呢行。」

至於17歲當模特兒入行的子樂，本想做歌手最終卻與無綫簽約拍劇，直至改簽英皇電影後工作開始增加：「每個人總有機會嘅，我用咗好長時間嚟儲演出作品同觀眾。」又透露現時開始寫劇本，問到是否想做導演？他說：「要同時兼顧台前、幕後好難，我好佩服張家輝同杜汶澤，我暫時未有咁嘅打算，但我同家樂好鍾意度橋，除咗幕前合作好有默契，都想將來試吓同佢喺幕後合作。」

On麥子樂

化妝：Yvvone Yeung

髮型：Raymond Yeung

服飾：JACK WILLS

On陳家樂

化妝：Yellow Wong

髮型：Billy Wong

場地：風日本料理

文：影視組

攝：劉斌