安俊豪整「老少平安」維繫父子情
東網巨星節目《星級煮意》請來歌手安俊豪炮製好味道、健康、簡單又易煮的「老少平安」，他說與父親口味南轅北轍，唯一相同就是此餸菜，有連繫父子之間的情意結。
安俊豪是餐廳太子爺，對食一向有要求，今次他示範「老少平安」甚是有板有眼。
拿手煮咖喱 黑椒豬手
原來安俊豪的母親是大廚，令他自小受薰陶對煮食有興趣，愛燴、燉和濕炒等烹調法，拿手煮咖喱、紅酒汁燴牛尾和黑椒豬手，問到曾否失手？他說：「未試過，因為有媽咪喺度指導我，不過我好有創意，創作過地獄料理，記得細個時煮過朱古力魚，魚柳加朱古力醬再加油煎，結果係煎燶晒，鑊黐晒燶嘅朱古力，好難清洗，成個廚房充滿惡心嘅朱古力味。」
問到會否為另一半下廚？安俊豪說：「成日煮，生日同喜慶節日，我通常都煮一兩味，好鍾意兩個人好Sweet匿埋喺廚房二人世界煮吓飯仔，都幾開心。」提到擇偶條件，他笑言一定要對方識煮飯：「如果唔係我就要成日下廚。」
阿澤建議加陳皮蝦乾
至於「星級廚神」杜汶澤覺得現在好多男仔煮飯叻過女仔，亦讚安俊豪叻仔，起碼懂得揀豆腐煮「老少平安」，但略嫌過於淡口，建議鯪魚肉可加陳皮及蝦乾。
《星級煮意》邀得陶大宇、黃建東、陳嘉桓、陸浩明與女友、陳嘉佳、朱慧敏等先後亮相，其他名人藝人陸續登場示範不同菜式，又有專家提供煮食要訣，娛樂與資訊並重，大家可透過東網App或東網網頁收看。
文：名人組