袁偉豪接「限奶令」唱反調出寫真晒肌
兩大肌男袁偉豪與周柏豪前晚於西環拍新劇，無綫推行「限奶令」後，女藝人紛紛變密實，袁偉豪卻打算晒肌影相集，柏豪則認為這個年代晒肌很平常：「唔通餐餐都唔露得咩！」
藝人袁偉豪（Ben）、周柏豪與鄧佩儀前晚於西環海旁為無綫新劇《再創世紀》拍攝外景。無綫推行「限奶令」，一眾女藝人紛紛「識做」收起性感，Ben直認收到公司的短訊，但不清楚內部決定的原因，他認為只要取得適當平衡點便可。問到「限奶令」使女友張寶兒不用性感，是否令他更安心？他說：「邊個都開心，係好事，有時藝人投入工作，會不自覺Set低自己條底線！（男藝人要跟？）男仔露得幾多呀？最多咪除上身衫！」又指拍完劇會到外地為自己的相集進行拍攝，已準備好除衫晒肌。
周柏豪：最緊要靚
柏豪則表示完成劇集拍攝後會準備演唱會，內地演唱會更會邀請袁偉豪擔任嘉賓，齊齊唱劇集《使徒行者2》主題曲。談到「限奶令」，他表示不知情，但認為此安排一定有原因：「某部分觀眾會有意見，不過睇電視唔係淨係睇性感。（影響男藝人晒肌？）應該唔會啦，呢個年代好Common，而且唔係為露而露，唔通餐餐都唔露得咩！符合劇情就OK，最緊要靚。」至於鄧佩儀表示「限奶令」對她影響不大，因自己並非走性感路線。
文：影視組