傅嘉莉拋胸揀首飾 閃爆台慶
星期日無綫台慶，女藝人傅嘉莉忙於四出搜羅戰衣及行頭，早前她在網上上載多張戰衣相，由粉絲投票決定，最後揀選了低胸紫霞仙子晚裝裙。昨日她現身Peonia珠寶店揀選首飾，穿上低胸上衣加皮褸的她由助手陪同現身，除了睇重量級首飾外，亦專攻鑽石戒指，睇中了幾套首飾後，她除下外套戴上身，每戴上一套都流露滿意的表情，心大心細，難於決定揀邊套，逗留一個多小時後離開。
記者致電傅嘉莉，她表示為台慶揀首飾：「之前叫粉絲幫我揀戰衣，冇諗過好多男粉絲咁着緊。（睇中邊套首飾？）未定，全部都好靚，但如果襯番件晚裝裙嘅色，可能會揀藍寶石珠寶嗰套。（見你都有睇鑽石戒指？有冇收過？）冇！鑽戒要等最後嘅Mr.Right先可以收，依家自己買，我一有錢就會買首飾，可以保值。」
