囡囡叫「爸爸」張繼聰喊咗
歌手謝安琪今年3月為老公張繼聰誕下囡囡張靖（Karina），現在約八個月大的Karina已懂得開口叫「爸爸」，令張繼聰感動到喊。
前晚，張繼聰將這個「歷史性一刻」片段上載到社交網，片中他對囡囡說：「你叫爸爸先啦！爸爸！」起初Karina只甜笑及怕醜地將頭貼住張繼聰的手臂，之後她終開口叫「爸爸」，令張繼聰開心到擘大口，仲留言自爆：「OMG，我真係…喊咗，第一聲爸爸！」而謝安琪亦有轉載片段，並表示：「好啦好啦，咁都畀你影到，今鋪當你贏。」還加上「見你做嘢咁辛苦今鋪抵你贏啦」、「全職湊小朋友又何嘗唔辛苦呢」、「Kakaball唔好大細超好嘛」、「麻煩你聽日叫番一聲媽咪」等標籤，半帶醋意，十分搞笑。