李佳芯衝擊台慶視后被姦見「紅」演得放
無綫花旦李佳芯於新劇有突破性演出，獲監製大讚演得夠放，破格飾演o靚妹及挑戰強姦戲的她，有望繼新加坡封視后後，再膺香港視后。昨日她聯同歐陽震華、陳豪等宣傳劇集，兩男玩遊戲時互嘲「現袋」！
李佳芯（Ali）、歐陽震華（Bobby）及田蕊妮等昨日為無綫劇集《誇世代》宣傳，Bobby、陳豪及張繼聰等玩攀石遊戲，在胯下套上安全帶後下體凸出，眾男即互嘲「現袋」，場面爆笑！Bobby之後幫吳業坤勒緊安全帶，又語帶雙關說：「呢單Big deal！」而Ali因早前做完卵巢手術，未有參與遊戲。
提到前晚《誇》劇播出陳豪作狀想強姦Ali，結果搞到她頭破血流的情節，Ali獲監製陳維冠讚演得夠放，更被網民推舉為無綫台慶頒獎禮視后大熱，Ali說：「劇中我嘅角色係死(口靚)妹，其實劇情只係陳豪諗住嚇吓我，拉開件衫，入面都仲有衫！」
唧爆眼瘡戴黑超
而Bobby戴黑超現身，他解釋：「我生眼瘡，唔夠瞓上火！拍呢個劇成日生眼瘡，去過醫生度唧，後尾自己消毒自己唧，好似唧暗瘡咁，唧埋粒『蕊』出嚟！」同場的龔嘉欣衣着密實，她說：「公司出咗指引（限奶令）！（台慶戰衣改樽領？）改唔切，件衫大露背，下身透視，我諗得嘅！」
另外，前晚《誇》劇中森美與陳豪的疑似HeHe情同樣爆笑，騎電單車的陳豪「搶婚」後，森美在車上攬住他一副冧樣，又問陳豪對他是否有Feel。不過陳豪於昨晚一集跳天台變癱，餘下劇情都要坐輪椅。
文：影視組