林夏薇全力啤兩件送畀老公
藝人林夏薇（薇薇）與蕭正楠（Edwin）昨日出席新劇拜神儀式，拍完此劇，薇薇將暫時休息，全力造人，她笑言拍劇期間不至於與老公保持距離，但的確較難見面，Edwin則笑言：「話唔埋拍拍吓已經有咗！」
林夏薇、蕭正楠、劉佩玥、黎燕珊、張頴康、歐瑞偉等，昨日到電視城出席新劇《十二傳說》造型暨拜神儀式。
跟唔上媽媽話題
薇薇提到這齣暫別作，她說：「唔好講到我唔做咁，我會照樣出活動，只係暫停拍劇，因為拍劇我會百分之二百投入，想喺家庭生活上取番個平衡！（一拍劇就同老公保持距離？）唔係，但好多時日夜顛倒，夾唔啱時間，見面都少。（老公發最後通牒？）應該話我自己慚愧就真，好多時朋友聚會，講啲媽媽話題，我都跟唔上，佢哋猛叫我快啲生，見佢哋又真係好開心嘅！（生一仔一女送畀老公？）最好，因為小朋友係上天恩賜嘅禮物！」
黎燕珊有盲公竹
Edwin則說：「劇中我會同林夏薇、劉佩玥有感情線。（呢套係薇薇造B前暫別作？）咁佢一定要留倩影，話唔埋拍拍吓已經有咗！」他又笑言女友黃翠如玩報復：「之前我同黎耀祥佢哋出埠拍《公公出埠》，玩得好開心，所以佢聖誕賣甩我，出埠做探訪！」
同場的黎燕珊心情靚，她說：「因為對上一次拍比較長嘅製作，已經係好多年前，今次同劇有我當年邵氏同學歐瑞偉，我會叫佢做我盲公竹，等我快啲融入TVB。」
文：影視組