甄詠珊為救人碌落樓梯

藝人甄詠珊與歌手胡渭康前晚現身慈善晚宴。甄詠珊自爆早前跌落樓梯受傷，正在養傷中：「當時為咗救朋友，想扶佢但扶唔到，搞到自己都失足跌埋落去！除咗個頭流血，手指公仲甩骹，但我唔知邊度嚟o既力量，自己移番啱個骹位！（依家傷勢點？）膝頭同額頭仲有啲疤痕。」提到好姊妹石詠莉12月下嫁鄧健泓，她即取笑對方：「佢恨嫁恨咗好耐！Patrick（鄧健泓）對佢好好，為佢付出咗好多，都好戥佢開心。」至於胡渭康透露忙於下年個唱的排練，構思將空中瑜伽搬上舞台，問到是否要練定難度動作？他說：「未必要，難度高o既動作未必有美感。」